त्रिशूली ३ए जलविद्युत आयोजनाको सुरुङभित्रबाट मानिसको आवाज सुनिएको छ। उद्धार कार्यमा खटिएका इन्जिनियर श्रीराम न्यौपानेले एकभन्दा बढी व्यक्तिको आवाज पुष्टि गरेका छन्। Nmkhabarलाई स्रोतले पुष्टि गर्यो।
उद्धार टोलीले सुरुङभित्र रहेका व्यक्तिहरूलाई ‘नआत्तिनुहोस्, हामी उद्धार गर्दैछौँ’ भनेपछि भित्रबाट ‘हुन्छ’ भन्ने प्रतिक्रिया प्राप्त भएको छ। यो संवादलाई उद्धार कार्यका लागि आशाजनक संकेत मानिएको छ।
नेपाली सेना र सशस्त्र प्रहरीको टोली सुरुङभित्र जमेको करिब २० हजार घनमिटर लेदो हटाएर उद्धार कार्यलाई तीव्र बनाएको छ। सुरुङभित्र फसेका कर्मचारीहरूको नौ दिनदेखि उद्धार प्रयास जारी छ।
