माथिल्लो त्रिशूली–१ जलविद्युत आयोजनाको अडिट–३ सुरुङबाट ११ जनाको शव नेपाली सेनाको हेलिकप्टरमार्फत त्रिशूली ल्याइएको छ।
नेपाली सेना र आयोजनाका प्रतिनिधिहरूको संयुक्त खोजी टोलीले सुरुङभित्र ११ जनाको शव फेला पारेको हो। सेनाका अनुसार आयोजनाको सुरुङभित्र अझै खोजी कार्य जारी छ।
त्रिशूली–३ ‘ए’ जलविद्युत आयोजनाको सुरुङ तथा पावर हाउस क्षेत्रमा पनि खोजी भइरहेको छ। त्रिशूली–३ ‘बी’ आयोजनाको सुरुङ र पावर हाउस क्षेत्रमा समेत सेनाको टोलीले खोजी गरिरहेको छ।
लाङ्गटाङ र चिलिमे जलविद्युत आयोजनामा समेत खोजी गरिएकोमा केही फेला नपरेको सेनाले जनाएको छ।
