बाजुराको जगन्नाथ गाउँपालिका–३ मा कालसिङ्गे खोलाले बगाएका १६ वर्षीय किशोर अनुज सिंहको शव करिब एक किलोमिटर टाढा गडखेतमा फेला परेको छ।
भदौ २३ गते बाख्रा चराउन जाँदा खोला तर्ने क्रममा सिंहलाई कालसिङ्गे खोलाले बगाएको थियो।
इलाका प्रहरी कार्यालय बुढीनन्दाका प्रहरी निरीक्षक विक्रम शाहले दिएको जानकारीअनुसार, बेपत्ता भएका सिंहको शव खोलाले बगाएको स्थानभन्दा करिब एक किलोमिटर दक्षिण गडखेतमा भेटिएको हो।
मृतक सिंहको शव परीक्षणका लागि कोल्टी अस्पताल पठाइने प्रक्रिया सुरु भएको छ।
